نیویارک (پاکستان نیوز ) کیتھولک پادریوں کی اکثریت نے پوپ کی جانب سے ہم جنس پرستوںکیلئے برکت کی دعائوں کو مسترد کر دیا ہے ، افریقہ سے پولینڈ تک کیتھولک بشپس کا کہنا ہے کہ وہ ویٹیکن کی نئی پالیسی پر عمل درآمد نہیں کریں گے جس میں ہم جنس جوڑوں کے لیے برکت کی اجازت دینا کا کہا گیا ہے ، پادریوں نے فرانسس کی طرف سے منظور کی گئی پالیسی کو مسترد کر دیا کیونکہ شادی کے بارے میں ویٹیکن کی دیرینہ تعلیم کی توثیق صرف مرد اور عورت کے درمیان اتحاد ہے۔کچھ سخت ترین ردعمل افریقہ کے بشپس کی طرف سے آئے، جن میں 265 ملین کیتھولک ہیں، یا دنیا کے 1.3 بلین کیتھولک کا تقریباً ایک چوتھائی ہیں۔ ان میں سے بہت سے کیتھولک رہتے ہیں اور ان کے چرچ ایسے معاشروں میں کام کرتے ہیں جہاں ہم جنس پرستی کی مذمت کی جاتی ہے اور اسے غیر قانونی قرار دیا جاتا ہے۔براعظم کے 54 ممالک میں سے، 31 میں ہم جنس پرستی کو جرم قرار دینے والے قوانین ہیں۔
