ڈھاکہ (پاکستان نیوز) بنگلہ دیش میں ہندوئوں سمیت اقلیتوں کے خلاف پرتشدد واقعات میں اضافہ ، ملک بھر کے 64میں سے 52اضلاع میں اقلیتیں پرتشدد واقعات سے متاثر ہو رہی ہیں ، ہندو بدھسٹ کرسچن یونٹی کونسل کا اندازہ ہے کہ ملک کے 64 میں سے کم از کم 52 اضلاع 5 اگست سے فرقہ وارانہ تشدد سے متاثر ہوئے ہیں۔ ڈھاکہ میں 9 اگست کو سیکڑوں لوگوں نے ملک کے اقلیتی ہندوؤں کو نشانہ بنائے جانے والے تشدد کے خلاف احتجاج کیا ۔پیر کو حسینہ واجد کے استعفیٰ کے بعد مسلم اکثریتی بنگلہ دیش میں ہندوؤں کے گھروں، کاروباروں اور مندروں کو نشانہ بنانے کے نتیجے میں ایک سکول ٹیچر ہلاک اور کم از کم 45 افراد زخمی ہوئے۔مظاہرین میں سے کچھ نے بنگلہ دیشی اقلیتوں کو “بچانے” کا مطالبہ کرنے والے پوسٹر اٹھا رکھے تھے ـ “ہم کون ہیں، بنگالی بنگالی” کے نعرے لگائے اور 9 اگست کو دارالحکومت میں ایک چوراہے کو بلاک کرتے ہوئے امن کی اپیل کی۔ہندو، جو بنگلہ دیش کی 170 ملین کی آبادی کا تقریباً 8 فیصد ہیں، روایتی طور پر حسینہ کی عوامی لیگ کی حمایت کرتے ہیں، جس نے گزشتہ ماہ کوٹہ مخالف مظاہرین اور سکیورٹی فورسز کے درمیان پرتشدد جھڑپوں کے بعد لوگوں کے غصے کو جنم دیا تھا۔اقوام متحدہ کے سکریٹری جنرل کے دفتر نے کہا ہے کہ بنگلہ دیش میں تشدد کو “کم کیا جانا چاہئے” اور مزید کہا کہ یہ کسی بھی “نسل پر مبنی حملوں” یا “نسل کی بنیاد پر تشدد پر اکسانے” کے خلاف ہے۔ہزاروں بنگلہ دیشی ہندو تشدد سے بچنے کے لیے ہمسایہ ملک بھارت فرار ہونے کی کوشش کر رہے ہیں۔ہندوستانی وزیر اعظم نریندر مودی نے بھی 8 اگست کو X پر ایک پیغام میں ہندوؤں اور بنگلہ دیش کی دیگر اقلیتوں کے “حفاظت اور تحفظ” کی اپیل کی۔
