واشنگٹن (پاکستان نیوز)القاعدہ کے سابق سربراہ اسامہ بن لادن نے جوبائیڈن کو قتل ہونے سے بچا لیا تھا ، تفصیلات کے مطابق امریکہ کی فورسز کی جانب سے دو مئی 2011 کو ایبٹ آباد میں کیے گئے آپریشن کے دوران اسامہ بن لادن کے کمپائونڈ سے ملے دستاویزات سے یہ ثابت ہوتا ہے کہ اسامہ بن لادن نے اپنے حملہ آوروں کو خبردار کیا تھا کہ وہ امریکہ کے نائب صدر جوبائیڈن پر قاتلانہ حملے سے باز رہیں کیونکہ اسامہ بن لادن سمجھتے تھے کہ جوبائیڈن اس قابل نہیں ہیں کہ وہ صدر کے طور پر امریکہ کو لیڈ کر سکیں ، دستاویزات سے معلوم ہوتا ہے کہ اسامہ بن لادن نے اپنے حملہ آوروں کو حکم دیا تھا کہ وہ صدر اوباما اور سی آئی اے کے ڈائریکٹر کے جہازوں کو نشانہ بنانے میں مہارت دکھائیں جبکہ نائب صدر بائیڈن کے جہاز کو چھوڑ دیا جائے ۔ اگر اسامہ بن لادن یہ کہہ رہے ہیں تو امریکہ کے دیگر دشمن ممالک روس ، چین ، شمالی کوریا بائیڈن کے متعلق کیا خیالات رکھتے ہوں گے ۔ صدر اوباما کے دور حکومت کے خارجہ پالیسی کے عہدیداران کا خیال تھا کہ جوبائیڈن نائب صدر کے عہدے کے لیے موزوں ترین انتخاب نہیں تھے ۔ ان کے دور میں امریکہ کی خارجہ پالیسی بری طرح متاثر ہوئی تھی ۔
