پیرس (پاکستان نیوز)دی کونسل آف یورپ نے مسلم خواتین کو حجاب اوڑھنے کی اجازت دینے اور عزت دینے سے متعلق ٹوئیٹر پر شروع ہونے والی مہم کے حوالے سے ٹوئیٹس کو ختم کرنا شروع کر دیا ہے جس کی وجہ فرانس میں اس مہم کے خلاف شدید غم و غصے کو بتایا جا رہا ہے ، فرانس میں مسلم خاتون کا زبردستی حجاب اتروانے کے واقعہ کے بعد ٹوئیٹر پر حجاب کی حمایت میں مہم شروع کی گئی جس پر فرانس میں لبرلرز نے شدید غم و غصے کا اظہار کیا تھا ۔ یورپ کی انسانی حقوق کی اعلیٰ تنظیم نے فرانس میں مخالفت کو بھڑکانے کے بعد سر پر اسکارف پہننے والی مسلم خواتین کے احترام کو فروغ دینے والی مہم سے پوسٹرز ہٹا لیے ہیں۔کونسل آف یورپ نے یہ تصاویر گزشتہ ہفتے مسلم مخالف امتیازی سلوک کے خلاف مہم کے لیے جاری کی تھیں۔کئی ممتاز فرانسیسی سیاست دانوں نے اس پیغام کی مذمت کی اور دلیل دی کہ حجاب آزادی کی نمائندگی نہیں کرتا۔فرانس کی یوتھ منسٹر سارہ الحری نے کہا کہ وہ ایک پوسٹر دیکھ کر حیران رہ گئی ہیں، جس میں ایک خاتون کی حجاب پہنے ہوئے اور ایک کی بغیر حجاب کے تصویر ہے ۔فرانسیسی ٹی وی پر ایک انٹرویو میں، وزیر نے مشورہ دیا کہ پوسٹر نے خواتین کو سکارف پہننے کی ترغیب دی ہے۔ انہوں نے کہا کہ یہ پیغام فرانس کی سیکولر اقدار سے متصادم ہے جس نے اس مہم کے خلاف ناپسندیدگی کا اظہار کیا تھا۔بدھ کو یورپ کی کونسل نے بی بی سی کو بتایا کہ مہم سے متعلق ٹویٹس کو حذف کر دیا گیا ہے جبکہ ہم اس منصوبے کی بہتر پیشکش پر غور کر رہے ہیں۔ایک ترجمان نے کہا کہ یہ ٹوئٹس نفرت انگیز تقریر کے خلاف مہم کا حصہ ہیں جس کی قیادت کونسل آف یورپ کے انکلوژن اینڈ اینٹی ڈسکریمینیشن ڈیپارٹمنٹ کر رہی ہے۔یورپ کی قدیم ترین سیاسی تنظیموں میں سے ایک، کونسل آف یورپ کا مقصد انسانی حقوق، جمہوریت اور قانون کی حکمرانی کو برقرار رکھنا ہے۔ اس کی سرگرمیاں یورپی یونین سے الگ، لیکن جزوی طور پر فنڈز فراہم کرتی ہیں۔
