نیویارک (پاکستان نیوز) اقوام متحدہ نے جوہری جنگ کے امکانات کو بڑھا دیا۔ اقوام متحدہ کے سکریٹری جنرل انتونیو گوٹیریس نے روس کی جانب سے یوکرین پر حملہ کرنے کے بعد اپنی جوہری قوتوں کے لیے الرٹ کی سطح میں اضافے پر خطرے کی گھنٹی بجا دی ہے، گوٹیریس نے نامہ نگاروں کو بتایا کہ “جوہری تصادم کا امکان ہے ، جس کا کبھی تصور بھی نہیں کیا جا سکتا تھا، اب دوبارہ امکان کے دائرے میں آ گیا ہے، روس کا حملہ 2.8 ملین سے زیادہ افراد کو یوکرین کی سرحدوں سے فرار ہونے اور لاکھوں کو محصور شہروں میں پھنسانے کے ساتھ ساتھ روس پر وسیع مغربی پابندیوں کا سبب بنا ہے۔پچھلے مہینے، روسی صدر ولادیمیر پوتن نے کہا تھا کہ ان کی قوم کی جوہری قوتوں کو ہائی الرٹ پر رکھا جانا چاہئے، اس خدشے کو بڑھاتے ہوئے کہ روس کا یوکرین پر حملہ جوہری جنگ کا باعث بن سکتا ہے تاہم حکام نے زور دے کر کہا ہے کہ انہوں نے ابھی تک واشنگٹن کے جوہری الرٹ کی سطح کو تبدیل کرنے کی کوئی وجہ نہیں دیکھی۔گوتریس نے یوکرائن کے جوہری پلانٹ میں آتشزدگی کے بعد جوہری تنصیبات کی حفاظت پر زور دیا ہے۔ گوٹیرس نے اعلان کیا کہ یوکرین میں آگ لگی ہوئی ہے۔ دنیا کی نظروں کے سامنے ملک تباہ ہو رہا ہے۔ شہریوں پر اثرات خوفناک حد تک پہنچ رہے ہیں،خواتین اور بچوں سمیت بے شمار بے گناہ لوگ مارے جا چکے ہیں۔
