جدہ (پاکستان نیوز) سعودی عرب کی عدالت نے متنازع ٹوئیٹ کرنے والے دوہری شہریت کے حامل شہری کو جیل سے رہا کر دیا ہے جوکہ بیک وقت سعودی عرب اور امریکہ کی شہریت رکھتا ہے ، ابراہیم المادی کو اپنی متنازع ٹویٹس پر ایک سال سے زائد عرصہ تک قید میں رکھا گیا تھا۔ المادی کے بیٹے ابراہیم نے CNN کو بتایا کہ سعودی عرب نے امریکیـسعودی دوہری شہری سعد ابراہیم المادی کو مملکت کے خلاف تنقیدی ٹویٹس کے الزام میں گرفتار کیے جانے کے ایک سال سے زیادہ عرصے کے بعد جیل سے رہا کیا۔المادی کو منگل کو مقامی وقت کے مطابق دوپہر 2 بجے رہا کیا گیا ، امریکی محکمہ خارجہ نے اکتوبر میں کہا کہ 72 سالہ بوڑھے کو سعودی حکومت پر تنقید کرنے والے ٹویٹس پر 16 سال کی سزا سنائے جانے کے بعد سعودی عرب میں قید کیا گیا تھا۔نہ تو سعودی اور نہ ہی امریکی حکام نے المادی کی رہائی کی فوری طور پر تصدیق کی اور یہ ابھی تک واضح نہیں ہے کہ آیا مملکت المادی کو امریکہ واپس جانے کی اجازت دینے کے لیے عائد سفری پابندی کو ختم کرے گی یا نہیں، واشنگٹن میں قائم ایک ایڈوکیسی گروپ فریڈم انیشی ایٹو کے سعودی ڈائریکٹر عبداللہ الاؤد نے المادی کی رہائی کا خیرمقدم کرتے ہوئے کہا کہ انہیں کبھی بھی معصوم ٹویٹس کے لیے ایک دن جیل کی سلاخوں کے پیچھے نہیں گزارنا چاہئے تھا۔
