نیویارک (پاکستان نیوز) نیویارک میں بینکوں کی بندش کا دوسرا رائونڈ شروع ہو گیا ہے ، جس کے تحت رواں برس 24 سے زائد بینک برانچوں کو بند کر دیا جائے گا، اس حوالے سے بینک برانچوں نے متعلقہ اداروں کو بندش کے نوٹسز جمع کروانے شروع کر دیئے ہیں، بہت سی مقامی شاخوں نے کرنسی کے کنٹرولر کے دفتر میں بندش کا نوٹس جمع کرایا ہے۔ بدقسمتی سے شاخیں بند ہونے کی وجوہات فراہم نہیں کی گئیں۔یہاں تک کہ اگر اس علاقے میں کوئی دوسری برانچ نہیں ہے، تب بھی بینکوں کو مقامی برانچ بند کرنے کی اجازت ہے تاہم، انہیں نوٹس فراہم کرنا ہوگا۔عام طور پر، بینک کو برانچ کی بندش کی تاریخ سے کم از کم 90 دن پہلے نوٹس بھیج کر اور اختتامی تاریخ سے 30 دن پہلے برانچ میں پبلک نوٹس پوسٹ کرنے کے ذریعے برانچ بند ہونے کے بارے میں صارفین کو مطلع کرنا ہوتا ہے۔جن بینک برانچوں کو بند کیا جا رہا ہے ان میں واشنگٹن ویل برانچ، 23 ایسٹ مین اسٹریٹ، واشنگٹن ویل، نیو یارک 10992، کیپٹل ون، نیشنل ایسوسی ایشن لانگ بیچ، 11 ایسٹ پارک ایوینیو، لانگ بیچ، نیویارک 11561، 991 تھرڈ ایوینیو، نیو یارک، نیو یارک 10022، 347 سکستھ ایوینیو، نیویارک، 10014، 1166 ایوینیو آف دی امریکہ، نیو یارک 10018، 470 پارک ایوینیو ساؤتھ،نیو یارک 10016، سٹی بینک، نیشنل ایسوسی ایشن، اور 5ویں ایونیو برانچ، 785 5ویں ایوینیو، نیو یارک سٹی شامل ہیں۔
