معاشی اور سیاسی عدم استحکام کے شکار پاکستان میں بدعنوانی بڑے پیمانے پر پھیلی ہوئی ہے۔ حکومت سے لے کر عدلیہ، پولیس، صحت کی خدمات، تعلیم اور فوج تک ہر شعبے میں پھیلی ہوئی ہے۔بدعنوانی معاشی فیصلہ سازی کو مسخ کرتی ہے، سرمایہ کاری کو روکتی ہے، مسابقت کو کمزور کرتی ہے اور بالآخر، کسی ملک کی اقتصادی ترقی کو کمزور کرتی ہے، یہی وجہ ہے کہ مسائل دیرینہ ہیں ۔ وزیر اعظم شہباز شریف نے کابینہ کے اجلاس سے خطاب کرتے ہوئے دیگر امور کے ساتھ خود احتسابی کی اہمیت پر زور دیا ہے۔ان کا کہنا تھا کہ ترقی کی خاطر خود احتسابی لازم ہے۔ وزیر اعظم کا اس معاملے پر واضح لہجہ بتاتا ہے کہ انہیں نیب،اینٹی کرپشن، ایف آئی اے، پولیس سمیت قانون نافذ کرنے اداروں کی کارکردگی تسلی بخش معلوم نہیں ہوتی ۔وزیر اعظم اگرچہ خود احتسابی کے متعلق اپنے تصور کو اجاگر نہیں کر سکے تاہم ان کا خیال ہے کہ عوامی ذمہ داریاں ادا کرنے والے افراد کو قانون سے پہلے خود اپنا احتساب کرنا چاہئے۔ اصلاحات کے لیے جاری مطالبات اور حالات کو بہتر بنانے کی بہت سی کوششوں کے باوجود پیشرفت نہیں ہو پا رہی، بد عنوانی پہلے سے بڑھ گئی ہے اور اس کا تدارک کرنے والے ادارے ہاتھ پر ہاتھ دھرے بیٹھے ہیں۔ مغرب رشتہ داری پر مبنی معاشروں سے قومی ریاستوں میں تبدیلی کی کئی صدیوں سے گزر چکا ہے۔ بہت سے ترقی پذیر ممالک نے ابھی تک ایک بڑی قومی ریاست کے ساتھ خونی رشتوں کے ساتھ وفاداری سے بالاتر تعلق کا احساس پیدا کیا ہے۔یہ پاکستان جیسے ممالک کے لیے درست ہے، جہاں کئی دہائیوں کی براہ راست فوجی حکمرانی نے نظام کو جمہوری نہیں رہنے دیا ۔وہ سیاسی ادارے جو احتساب کی کوئی شکل وضع کر سکتے تھے خود بے شکل ہو چکے ہیں۔ریاست کو عوام کے سامنے جوابدہ بنانا ضروری تھا لیکن ریاست شہری سے زیادہ طاقتور ہو گئی ہے ،ایسا اس لئے ہوا کہ شہریوں کو با اختیار بنانے والے عوامی نمائندے مصلحتوں کا شکار اور چھوٹے چھوٹے مفادات کے اسیر ہوتے گئے۔ ایک ایسے معاشرے میں جہاں ذمہ داریوں کو ابھی تبدیل ہونا باقی ہے، سرپرستی کی سیاست سے لنگر انداز ریاست نے ریاست اور معاشرے کی واضح علیحدگی کو ممنوع قرار دیا ہے ۔ لوگوں کو بدعنوانی پر قابو پانے کے لیے ریاست کو جوابدہ نہیں بنایاگیا ۔بروقت انتخابات درحقیقت خود احتسابی کا پہلا پڑاو ہوتے ہیں، اس کے بعد انتخابی شفافیت کلیدی چیز ہے ۔یہ جمہوری عمل کے لیے اہم ہیں لیکن شہریوں کے لیے فیصلہ کرنے کے قابل ہونا بھی اتنا ہی ضروری ہے۔ اس کے لیے رائے دہندگان کو معلوم ہونا چاہیے کہ امیدوار قابل اعتبار ہیں اور آئین میں درج اخلاقی ضابطہ اخلاق کے پابند ہیں، کسی بد عنوانی میں ملوث نہیں۔ جمہوری احتساب کا مطلب ہے شہریوں کو بااختیار بنانا کہ وہ بدعنوان اور غیر موثر حکمرانوں کو مسترد کر سکیں اور بہتر نمائندوں کا انتخاب کر سکیں۔مسترد لوگ پارلیمنٹ میں کسی طریقے سے آ بیٹھیں تو احتساب کا ہر ماڈل ناکام ہو سکتا ہے۔ لیڈر بہت سی خوبیوں کے مالک ہوتے ہیں۔ کچھ ان خوبیوں کے ساتھ پیدا ہوتے ہیں اور کچھ سیکھتے ہیں تاہم، ایک خوبی ہے جو واقعی لیڈر کو الگ کرتی ہے اور منفرد بناتی ہے۔ خاص طور پر، ٹیکنالوجی کے دور میں۔ یہی خود احتسابی کا عمل ہے۔ یہ صرف اپنے آپ کو جوابدہ ہونا ہے! اس بات کی گہرائی میں جانے کی ضرورت ہیکہ خود احتسابی کا اصل مطلب کیا ہے! خود احتسابی سے مراد کسی کے اپنے اعمال، فیصلوں اور نتائج کے لیے ذاتی وابستگی اور ذمہ داری ہے۔ یہ ایک ذہنیت ہے جس میں کامیابی یا ناکامی سے قطع نظر حاصل کردہ نتائج کے لیے خود کو جوابدہ ٹھہرانا شامل ہے۔ ذاتی اور پیشہ ورانہ دونوں حوالوں سے، خود احتسابی ایک بنیادی خصوصیت ہے جو ترقی کو آگے بڑھاتی ہے۔ نمائندہ جمہوریتوں میں احتساب کو ایک مثالی طریقہ اور کامیابی کے طور پر دیکھا جاتا ہے اور جمہوری حکومت کے جزو کے طور پر بھی۔ جمہوری احتساب سے مراد رائے، تجربے سے سیکھنے، یہ حکمرانوں کی آگاہی و رضامندی پر مبنی طرز حکمرانی ہے۔ شہری نہ تو قوانین اور بجٹ کے بنانے والے ہیں اور نہ ہی اس سیاسی نظام کے ڈیزائنر ہیں جس کے تحت وہ رہتے ہیں لیکن وہ بے اختیار نہیں ہیں۔پاکستان کی پارلیمنٹ چاہے تو امریکہ یا برطانیہ کی پارلیمنٹ کی طرح ایوان میں احتساب سے متعلق کمیٹیاں بنا سکتی ہے۔یہ پبلک اکاونٹس کمیٹی جیسی غیر فعال سی کمیٹی نہ ہو بلکہ اسے کچھ ایگزیکٹو پاور بھی دی جائے ۔کسی حکومتی شخصیت یا سرکاری افسر کی کرپشن کی شکایت پر یہ کمیٹی سماعت کرے۔فریقین کا موقف سنے اور اگر کوئی قصور وار ہو تو اس کے خلاف قانونی کارروائی کی سفارش کرے۔وزیر اعظم چاہیں تو ان کی حکومت میں یہ اچھی روائت شروع ہو سکتی ہے۔اس سے ایک طرف پارلیمنٹ مضبوط ہو گی اور دوسری طرف سیاسی انتقام کی روش ختم ہو سکتی ہے۔ اگرچہ زیادہ تر فیصلے منتخب نمائندوں، مقرر کردہ عہدیداروں اور دیگر اقتدار کے مالک افراد کے ذریعہ کیے جاتے ہیں، پھر بھی حکمرانوں کی ذمہ داری ہے کہ وہ مناسب طور پر عوام کے سامنے جوابدہ ہوں۔ تاہم وضاحت اور جواز کے مطالبات کی بڑھتی ہوئی تعداد مقبولیت، وفاداری اور حمایت کی حدود کی نشاندہی کرتی ہے۔ جمہوری احتساب، سیاسی نظم اور منظم تبدیلی کے درمیان باہمی تعلق کے بارے میں سوچنے کے لیے ایک تجزیاتی فریم ورک کے عناصر کا خاکہ پیش کرتا ہے، یعنی کہ کس طرح جمہوری احتساب کا عمل موجودہ سیاسی نظام سے متاثر ہوتا ہے ۔
٭٭٭
