اسلام آباد(پاکستان نیوز) نائب وزیراعظم اور وزیر خارجہ اسحاق ڈار نے بھارت کو سخت انتباہ جاری کرتے ہوئے کہا ہے کہ سندھ طاس معاہدے (آئی ڈبلیو ٹی) میں کسی بھی قسم کی چھیڑ چھاڑ کو جنگی اقدام تصور کیا جائے گا۔امریکی میڈیا کے ساتھ ایک انٹرویو میں، ڈار نے پاکستان اور بھارت کے درمیان حالیہ کشیدگی کی سنگینی پر زور دیتے ہوئے کہا کہ بعض عالمی طاقتوں خاص طور پر امریکہ کو احساس ہے کہ مزید کشیدگی خطرناک اور تباہ کن نتائج کا باعث بن سکتی ہے۔ڈار نے انکشاف کیا کہ امریکی سیکرٹری روبیوکس نے 10 مئی کو ان سے رابطہ کیا، اس کے فوراً بعد جب پاکستان نے ایک اہم فوجی آپریشن تقریباً مکمل کر لیا تھا۔ یہ کال ہندوستانی وزیر خارجہ ایس جے شنکر اور سکریٹری روبیوکس کے درمیان بات چیت کے بعد ہوئی۔ڈار کے مطابق، روبیکس نے بتایا کہ بھارت اب مزید کارروائی روکنے کے لیے تیار ہے۔ جواب میں ڈار نے امریکہ کو یقین دلایا کہ اگر بھارت مزید جارحیت سے باز آیا تو پاکستان بھی دستبردار ہو جائے گا۔ڈار نے کہا کہ امریکی سیکرٹری نے مجھے یقین دلایا کہ اگر پاکستان کشیدگی کم کرنے پر راضی ہوتا ہے، تو ہندوستان بھی اس کی پیروی کرے گا اور بالکل ایسا ہی ہوا،ان کے ریمارکس علاقائی استحکام کی نازک نوعیت کی نشاندہی کرتے ہیں اور پانی کے حقوق اور قومی خودمختاری کے حوالے سے پاکستان کی سرخ لکیروں کو اُجاگر کرتے ہیں۔
