منہاٹن (پاکستان نیوز) پوسٹ کے 4 ملازمین سمیت 10 ملزموں پر 750 لاکھ ڈالر اور 1 ہزار سے زائد کریڈٹ کارڈ چوری کرنے کے الزام میں فرد جرم عائد کر دی گئی ہے ، مین ہٹن ڈسٹرکٹ اٹارنی کے دفتر کے مطابق دس مشتبہ افراد (جن میں سے چار پوسٹ آفس کے ملازم تھے) پر نیویارک اسٹیٹ سپریم کورٹ میں سیکنڈ ڈگری گرینڈ جیوری نے چوتھے درجے کی سازش اور دیگر الزامات کی کثرت پر فرد جرم عائد کی ۔ ڈسٹرکٹ اٹارنی کے دفتر کے ایک بیان میں مین ہٹن کے 37 سالہ ماسٹر مائنڈ مائیکل رچرڈز کا نام بھی شامل ہے۔اس کے علاوہ ملزموں میں 36 سالہ کینیشا مریل ، 31 سالہ کرکوان ہائیسمتھ، 31 سالہ بروس بینوینیو تمام بروکلین سے ہے اور میری لینڈ کے کینتھ فری مین جونیئر نے مبینہ طور پر مین ہٹن، بروکلین اور برک، ورجینیا میں کی گئی میل ڈیلیوری میں سے کریڈٹ کارڈ چوری کیے۔ڈسٹرکٹ اٹارنی کے دفتر کے مطابق ڈاکوؤں کے عملے نے جنوری 2017 سے اگست 2019 کے درمیان 1,000 سے زیادہ کریڈٹ کارڈز کو چوری کیا۔وسیع پیمانے پر دھوکہ دہی کرنے والوں نے دیگر مشتبہ افراد کا استعمال کیا، بشمول 38 سالہ شمر ہاٹن کے جو چوری شدہ کریڈٹ کارڈ حاصل کرنے کا ذمہ دار تھا۔ 33 سالہ جسٹن فورجینی ، ٹرانسیونین جیسے ذاتی معلومات کے ڈیٹا بیس کے ذریعے متاثرہ کی ذاتی معلومات تک رسائی حاصل کرنے اور معلومات کو رچرڈز تک پہنچانے کا ذمہ دار تھا۔ سرغنہ نے 34 سالہ تاتیانا اسمتھ کو چوری شدہ کریڈٹ کارڈز متاثرین کی نجی معلومات کے ساتھ دیے تاکہ لوئس ووٹن، بلومنگ ڈیل، ہرمیس، چینل اور نیمن مارکس جیسے لگڑری ریٹیلرز سے مہنگی خریداری کی جا سکے۔ اس کی خریداریوں کو آسانی سے دوبارہ فروخت کیا جاسکتا تھا یا اسٹور کریڈٹ کے بدلے تبدیل کیا جاتا تھا جسے پھر ہارڈ کیش میں فروخت کیا جاتا تھا۔
