لندن (پاکستان نیوز) برطانیہ نے مودی حکومت سے مطالبہ کیا ہے کہ وہ بدعنوانی اور رشوت ستانی کیخلاف عالمی اداروں کے قوانین اور معاہدوں کی پاسداری کرے، برطانیہ کے وزیر برائے سلامتی، ٹام ٹگینڈہٹ نے مودی حکومت سے اپیل کی ہے کہ وہ بدعنوانی کے خلاف اقوام متحدہ کے کنونشن (UNCAC) پر دستخط کرے اور اس کے آرٹیکل 16 کو نافذ کرے جو غیر ملکی سرکاری اہلکاروں کی رشوت ستانی سے متعلق ہے۔انہوں نے بھارتی حکومت سے بھی مطالبہ کیا کہ وہ بین الاقوامی کاروباری لین دین میں غیر ملکی سرکاری عہدیداروں کی رشوت ستانی کا مقابلہ کرنے سے متعلق تنظیم برائے اقتصادی تعاون اور ترقی (OECD) کنونشن پر دستخط کرے، جسے OECD انسداد رشوت ستانی کنونشن بھی کہا جاتا ہے جس کا برطانیہ ایک رکن ہے۔ انہوں نے کولکتہ میں منعقد ہونے والے G20 انسداد بدعنوانی وزارتی اجلاس کے موقع پر ایک “دو طرفہ” میٹنگ بھی کی۔”یکم دسمبر 2022 کو، ہندوستان نے، پی ایم مودی کی قیادت میں، عالمی بحرانوں کے درمیان G20 کی صدارت سنبھالی۔ G20 کی ترقی یافتہ اور ابھرتی ہوئی معیشتیں، بدعنوانی سے لڑنے جیسے اہم عالمی مسائل سے نمٹنے میں ذمہ داریاں بانٹنے کے لیے اکٹھے ہوئی ہیں۔سنگھ نے کہا کہ حکومت کے کام کاج میں شفافیت اور جوابدہی کو یقینی بنانے کے لیے اقدامات کیے گئے ہیں۔ اس میں ای-گورننس کو اپنانا، براہ راست فائدہ کی منتقلی کے لیے آدھار سسٹم کا نفاذ، سرکاری دفاتر میں خریداری میں اصلاحات اور سٹیزن چارٹر شامل ہیں۔ انہوں نے مزید کہا کہ ہندوستان G20 انسداد بدعنوانی ورکنگ گروپ (ACWG) فورم اور متعلقہ مشترکہ اجلاسوں میں سرگرمی سے حصہ لیتا ہے۔سنگھ نے کہا کہ وزیر اعظم مودی نے اس بات کا اعادہ کیا ہے کہ ہندوستان کی بدعنوانی کے خلاف صفر برداشت کی سخت پالیسی ہے۔
