نیوجرسی (پاکستان نیو) کونسل آن امریکن اسلامک ریلیشن نیو جرسی چیپٹر نے گورنر فل مرفی کی جانب سے غزہ میں جنگ بندی کے بیان کا خیرمقدم کرتے ہوئے مطالبہ کیا ہے کہ بائیڈن حکومت غزہ میں فلسطینیوں کی نسل کشی کو فوری طور پربند کروائے ، گورنر فل مرفی نے اپنے بیان میں کہا کہ اس جذبے کے تحت، میں آج بائیڈن انتظامیہ کی تمام فریقوں کی جانب سے فوری اور پائیدار جنگ بندی کی کوششوں کی حمایت میں اپنی آواز بلند کر رہا ہوں جس میں حماس کے زیر حراست باقی ماندہ یرغمالیوں کی رہائی بھی شامل ہے۔ اس طرح کے معاہدے کی غزہ میں انسانی امداد کی اشد ضرورت ہے، خوراک، پانی، طبی سامان کی ہزاروں جانوں کو بچانے کیلئے اشد ضرورت ہے۔گورنر کا یہ بیان متعدد مسلم اور فلسطینی گروپوں کی جانب سے انتظامیہ کی متوقع رمضان افطار کے بائیکاٹ کے مطالبات کے تناظر میں سامنے آیا ہے۔کیئر نیوجرسی نے غزہ میں کچھ فلسطینی امریکیوں کو کامیابی کے ساتھ گھر لانے میں گورنر کی کوششوں کو سراہا، شہری حقوق کی تنظیم نے اس بات پر زور دیا کہ اسرائیل کی جنگ میں چھ ماہ بعد جنگ بندی کے لیے ان کی حمایت آتی ہے۔ اسرائیل اب تک 32 ہزار فلسطینیوں کو قتل کر چکا ہے۔ نیو جرسی کی فلسطینی کمیونٹی، خاص طور پر، اندازے کے مطابق اس کے خاندان کے تقریباً 3,000 افراد ہلاک ہو چکے ہیں۔کیئر نیوجرسی کے ایگزیکٹیو ڈائریکٹر صلاح الدین مکسوت نے کہا کہ غزہ میں جنگ بندی کے لیے گورنر مرفی کی حمایت مسلم اور فلسطینی گروپوں کے مطالبات کے جواب میں سامنے آئی ہے۔ اگرچہ ہم غزہ میں جنگ بندی کی کسی بھی کال کا خیرمقدم کرتے ہیں جس سے ہزاروں لوگوں کی جان بچ جائے گی، انھوں نے کہا کہ ہمارا اسلامی عقیدہ ہمیں انصاف پر قائم رہنے کا درس دیتا ہے۔ اپنی برادری کی حمایت کے خالی اشاروں کا خیرمقدم کرنا ہمارے عقیدے کے اصولوں سے متصادم ہے اگرچہ جنگ بندی کا مطالبہ کرنا ضروری ہے لیکن اب یہ کافی نہیں ہے۔ گورنر مرفی کو اپنے امریکی مسلم حلقے کے لیے انصاف کے لیے لڑنے کے لیے بہتر کام کرنا چاہئے۔
