گورنر کومیو نے والدین کو احتیاطی تدابیر پر سختی سے عمل پیرا ہونے کی ہدایت کر دی
نیویارک (پاکستان نیوز) کورونا وائرس نے بڑوں کے بعد اب بچوں کو گرفت میں لینا شروع کر دیا ہے ، گورنر نیویارک کومیو کی رپورٹ کے مطابق اب تک 73سے زائد بچوں میں کورونا وائرس سے ملتی جلتی اعلامات سامنے آئی ہیں جس کے بعد ان کو ہسپتال منتقل کر دیا گیا ہے جبکہ پانچ سالہ بچہ اس کا شکار ہو کر جہان فانی سے کوچ کر گیا ہے ، گورنر نے والدین کو اس سلسلے میں سختی سے احتیاطی تدابیر پر عمل پیرا ہونے کی ہدایت کی ہے تاکہ بچوں کو اس موذی مرض سے محفوظ رکھا جا سکے ۔
