لندن (پاکستان نیوز) یورپ میں مہنگائی ریکارڈ سطح تک پہنچ چکی ہے، یورپ کے ایسے 19 مالک جہاں یورو استعمال کیا جاتا ہے میں افراط زر کی شرح ریکارڈ 7.5 فیصد تک بڑھ گئی ہے، یورپ میں مہنگائی ریکارڈ سطح تک پہنچ گئی ہے، یوکرائن میں روس کی جنگ کے نتیجے میں توانائی کی بڑھتی ہوئی قیمتیں صارفین کو بری طرح متاثر کر رہی ہیں، یورپی یونین کے نئے اعدادوشمار کے مطابق یہ لگاتار پانچواں مہینہ ہے کہ یورو زون میں افراط زر نے ایک ریکارڈ قائم کیا ہے، جو اسے 1997 میں یورو کے لیے ریکارڈ کیپنگ شروع ہونے کے بعد سے بلند ترین سطح پر لے آیا ہے۔صارفین کی قیمتوں میں اضافہ دنیا بھر میں ایک بڑھتا ہوا مسئلہ ہے، جس کی وجہ سے لوگوں کے لیے گروسری سے لے کر یوٹیلیٹی بل تک سب کچھ برداشت کرنا مشکل ہو جاتا ہے۔ یوروسٹیٹ نے کہا کہ توانائی کے بڑھتے ہوئے اخراجات یورپ میں مہنگائی کا بنیادی عنصر ہیں، ان قیمتوں میں گزشتہ ماہ 44.7 فیصد اضافہ ہوا، جو کہ فروری میں 32 فیصد سے زیادہ تھا۔تجزیہ کاروں کا کہنا ہے کہ اعداد و شمار یورپی مرکزی بینک سے غیر معمولی اقدامات کا مطالبہ کر رہے ہیں، بینک اس خطرے کے ساتھ ریکارڈ افراط زر کو متوازن کر رہا ہے کہ جنگ کے دباؤ میں معیشت کو نقصان پہنچ سکتا ہے۔کیپٹل اکنامکس کے سینئر یورپی ماہر معاشیات جیک ایلن رینالڈز نے ایک رپورٹ میں کہا کہ مرکزی بینکوں نے شرحیں بڑھانا شروع کر دی ہیں، بشمول امریکہ میں، جہاں افراط زر 7.9 فیصد کی 40 سال کی بلند ترین سطح پر پہنچ گیا ہے۔
