ہلری کلنٹن کیساتھ ٹرمپ کے مقابلہ میں راقم یونیورسٹی آف اوماہا نیبراسکا میں ماسٹر آف بزنس ایڈمنسٹریشن کا سٹوڈنٹ تھا نیبراسکا سے صدارتی الیکشن کیلئے ابتدائی مراحل کی شروعات ہوتی ہیں مقابلہ کانٹے کا تھا جس میں راقم ڈیموکریٹ کی طرف سے آرگنائزرز میں شامل رہا ہیلری سے ملاقات میں اسے بتایا کہ اسلامک سینٹر آف اوماہا کا الیکٹڈ جنرل سیکریٹری ہوں یہاں پر مسلمانوں کے اچھے خاصے ووٹ ہیں آپ اپنی تقریروں میں اسلام فوبیا کے متعلق اظہار خیال جاری رکھیں تاکہ مسلم ووٹرز آپ کے ساتھ جڑیں جبکہ ٹرمپ مسلمانوں کے امریکہ میں داخلے پر پابندی کی باتیں کر رہا ہے لہٰذا آپ کو اس سے مختلف بیانہ بنانا ہوگا صرف اوماہا میں اس وقت عید کے اجتماع میں دس ہزار سے زائد لوگ آتے تھے جن کو باہر لایا جا سکتا ہے ہما عبدین کے ساتھ ہیلری کلنٹن نے بھی اس بات کو سراہا اور ہما کو یہ بات نوٹ کرنے کو کہا برنی سینڈر اگر نائب صدارت کے لیے چن لیا جاتا تو ہیلری دو ٹرمز کے لیے پہلی وومن امریکن پریذیڈینٹ کا حلف اُٹھا سکتی تھی مگر یہ ہونہ سکا۔ ٹرمپ اس وقت بھی لکی تھا اور آج بھی اس کے مقابلہ میں ایک عورت تھی راقم جینڈر بائث نہیں ہے پر ناقص رائے کے مطابق امریکہ ابھی عورت کی صدارت کا متحمل نہیں ہو سکتا ۔لائٹر نوٹ پر امریکہ کے ہر گھر میں عورت راج ہے لہٰذاا مردوں کی اکثریت نہیں چاہتی کہ حکومت بھی عورتوں کے حوالے کر دی جائے بہرحال صدر ٹرمپ عورتوں کے حوالے سے ہمیشہ خبروں میں رہے ہیں سٹورمی ہو یا اس کی بیٹی ایونکا جس کے بارے میں اس نے نیشنل ٹی وی پر کہا تھا کہ اگر ایوانکا اس کی بیٹی نہ ہوتی تو وہ اس سے شادی کر لیتا دنیا کا سب سے بڑا بیوٹی پیجینٹ امریکی صدر ٹرمپ کی ملکیت ہے پیجینٹ میں شامل عورتوں کی طرف سے الزام ہے کہ وہ ننگی عورتوں کے جھرمٹ میں گھس جایا کرتا تھا اس کی تیسری بیوی بھی اسی بیوٹی پیجینٹ کی دین ہے ایک رنگین مزاج شخص جس پر ٹیکس میں خرد برد کے الزامات ہیں عورتوں سے تعلقات کے الزامات ہیں جسکا دو دفعہ مواخذہ ہوتے ہوتے بچا وہ امریکہ کا دوسری مرتبہ صدر منتخب ہو گیا اس دفعہ تو اس نے مشی گن میں مسلمانوں سے انڈورسمنٹ بھی حاصل کر لی تھی تو کیاوہ اب مسلمانوں سے کئے گئے وعدوں کا پاس رکھے گا جنگ کے خاتمے سے ابتدا کرے گا ٹرمپ کے بارے میں یہ بات اس کی پہلی ٹرم کے تجربہ سے کہی جا سکتی ہے کہ وہ وعدوں کا پاس رکھنا جانتا ہے اسے عمران خان کے بارے میں مکمل بریف کیا جا چکا ہے ٹرمپ کی پہلی اور آخری بیوی عمران خان کے شیدائیوں میں شامل ہیں ٹرمپ خود بھی عمران خان کو اپنا دوست کہتا رہا ہے افغان ایشو کو حل کرنے میں ٹرمپ اور ڈیموکریٹ نینسی پیلوسی دونوں معتقد تھے اب ٹرمپ پر ہے کہ وہ عمران خان کی رہائی میں رول ادا کر کے حق دوستی اور راقم کے دئیے ہوئے ووٹ کا حق ادا کرے۔
٭٭٭
