نیویارک(پاکستان نیوز) امریکی میگزین دی نیشنل انٹرسٹ نے فیلڈ مارشل سید عاصم منیر کی کامیاب پالیسیوں کو تسلیم کرتے ہوئے کہا ہے کہ صدر ڈونلڈ ٹرمپ نے اہم معاشی معاہدوں کا اعلان کر کے پاکستانی فوج کے فیلڈ مارشل عاصم منیر سے اپنی نئی دوستی کو دگنا کر دیا ہے۔ تفصیل کے مطابق امریکی میگزین دی نیشنل انٹرسٹ نے پاکستان کی کامیاب خارجہ پالیسیوں اور فیلڈ مارشل سید عاصم منیر کی ثابت قدم قیادت کی تعریف کرتے ہوئے لکھا ہے کہ پاکستان نے حالیہ محاذ پر بھارت کو زبردست دھچکا پہنچایا ہے ۔ میگزین نے کہا کہ پاکستان نے اپنی حکمت عملی سے سفارت کاری کے ذریعے صدر امریکہ ڈونلڈ ٹرمپ کی حمایت حاصل کرنے میں کامیابی حاصل کی اور بھارت کے حالیہ تنازعات میں ثالثی کے کردار کی تعریف کی۔ بھارت کی پاکستان کے خلاف جارحیت بھی مہنگی ثابت ہوئی اور پاک فضائیہ نے بھارتی لڑاکا طیاروں کو گرایا۔ امریکی میگزین نے لکھا کہ پاکستان نے صدر امریکہ کی پاک بھارت جنگ بن ، بھارت جنگ بندی کا خیر مقدم کرتے ہوئے صدر ٹرمپ کو نوبل امن انعام کیلئے نامزد کیا جبکہ بھارت جنگ بندی اور امن قائم کرنے میں صدر امریکہ کے کردار سے انکاری رہا۔ جنگ بندی کے بعد صدر امریکہ کی دعوت کے باوجود نریندر مودی واشنگٹن نہیں گئے ۔ ڈونلڈ ٹرمپ بھارتی وزیر اعظم کے رویہ سے ناراض تھے ۔ مودی کے انکار کے باوجود صدر امریکہ ڈونلڈ ٹرمپ نے فیلڈ مارشل عاصم منیر کو وائٹ ہاس میں مدعو کیا ۔ ان خوشگوار تعلقات کے ایک ماہ بعد ڈونلڈ ٹرمپ نے پاکستان کے ساتھ اہم معاشی معاہدوں کا اعلان کر کے فیلڈ مارشل عاصم منیر سے اپنی نئی دوستی کو دگنا کر دیا جبکہ بھارت پر روس سے تیل خریدنے پر محصولات میں اضافہ کر دیا۔ میگزین نے مزید لکھا کہ امریکہ نے بلوچستان لبریشن آرمی کو دہشتگرد تنظیم قرار دیا ہے جسے واشنگٹن کے بھارت سے دور ہونے کی واضح نشانی کے طور پر دیکھا جا رہا ہے۔ پاکستانی تجزیہ کاروں کے مطابق فیلڈ مارشل عاصم منیر کی قیادت اور موثر خارجہ پالیسی اقدامات نے نہ صرف ملک کی ساکھ کو مضبوط کیا ہے بلکہ بھارت کے خلاف بین الاقوامی سطح پر نمایاں سیاسی دبا بھی پیدا کیا ہے۔
