نیویارک (پاکستان نیوز) سکوٹر سوار نے فائرنگ کر کے نماز کے لیے مسجد جانے والے 6بچوں کے باپ کو قتل کر دیا، مرحوم کے بیٹے نے ”دی پوسٹ ” کو بتایا کہ والد کوئینز کی مسجد میں نماز کے لیے جا رہے تھے لیکن راستے میں سکوٹر سوار سر پھرے شخص نے اچانک فائرنگ کر دی جس کی زد میں آنے سے چل بسے، پولیس نے بروکلین کے 25 سالہ مبینہ ٹرگر مین تھامس ابریو پر قتل کی دو دفعات کے تحت مقدمہ درج کیا ہے، جس میں چار افراد کو گولی مارنے کی شق شامل کی گئی ہے ، سعیدی کے بیٹے احمد السعیدی نے دی پوسٹ کو بتایا، میرا دل ٹوٹ گیا ہے، میرا خاندان تباہ ہو گیا ہے۔ہم یقین نہیں کر سکتے کہ ایک 86 سالہ شخص کے ساتھ ایسا کچھ ہو گا، یہ خوفناک ہے۔پولیس ذرائع نے بتایا کہ ابریو نے اپنی وحشیانہ کارروائی کے دوران ایک 9 ایم ایم کی “بھوت بندوق” استعمال کی جس میں ایک توسیعی میگزین سے لیس تھا۔مرحوم کے بیٹے نے بتایا کہ میرے والد گروسری اسٹورز کے مالک تھے اور اپنی ریٹائرمنٹ سے قبل رئیل اسٹیٹ کا کاروبار کرتے تھے۔ملزم کی گرفتاری تک اس نے چار لوگوں کو اپنی گولیوں کو نشانہ بنایا تھا، ملزم جرائم پیشہ نہیں ہے، اس کے خلاف ناجائز اسلحہ رکھنے کا ایک کیس 2019 میں درج ہو ا ہے، دل شکستہ السعیدی نے کہا کہ ان کے والد 1962 میں یمن سے بہتر زندگی اور نئے مواقع کے لیے امریکہ آئے تھے۔پولیس نے بندق کوئنز کی شوٹنگ کے مقام سے برآمد کی ہے۔السعیدی نے کہا کہ خاندان اس کے لیے سب کچھ تھا ـ اگر اس کی تین بیٹیوں یا تین بیٹوں کو اس کی ضرورت ہو تو وہ ہمیشہ موجود رہتا تھا، وہ خوش مذاج آدمی تھے، مذاق کرنا ان کو پسند تھا، السعیدی نے کہا کہ اسے اگلے ہفتے خاندانی سفر کے لیے یمن واپس جانا تھا۔سعیدی کے خاندان کا کہنا تھا کہ وہ غریبوں کو دینے والے “عظیم شخص” تھے۔السعیدی نے اس بات پر بھی افسوس کا اظہار کیا کہ پولیس اس کے والد کے بے دریغ قاتل کو نہیں روک سکی حالانکہ اس نے مبینہ طور پر دو بوروں سے گزرتے ہوئے گولیاں چلائی تھیں۔
