اسلام آباد (اے پی پی) ـ پاکستان کی سپریم کورٹ نے بدھ کے روز فوجی عدالتوں کو سابق وزیر اعظم عمران خان کے 100 سے زائد حامیوں کے خلاف مئی میں خان کی گرفتاری کے بعد شروع ہونے والے پرتشدد مظاہروں کے دوران فوجی تنصیبات پر حملے کے الزام میں ٹرائل دوبارہ شروع کرنے کی اجازت دے دی۔سپریم کورٹ کا تازہ ترین حکم اسی عدالت کے پانچ ججوں کی جانب سے خان کی پارٹی، پاکستان تحریک انصاف کے خلاف کریک ڈاؤن کے ایک حصے کے طور پر گرفتار کیے گئے 103 شہریوں کے مقدمے کی سماعت روکنے کے دو ماہ سے بھی کم وقت کے بعد آیا ہے۔پاکستان کی سپریم کورٹ کے حکم پر خان کی رہائی کے بعد ہی تشدد میں کمی آئی۔71 سالہ خان اس وقت راولپنڈی کے گیریڑن سٹی کی ایک ہائی سکیورٹی جیل میں تین سزائیں کاٹ رہے ہیں۔ انہیں اپریل 2022 میں پارلیمنٹ میں عدم اعتماد کے ووٹ کے بعد وزیر اعظم کے عہدے سے ہٹا دیا گیا تھا اگرچہ خان پر لوگوں کو تشدد پر اکسانے کا بھی الزام ہے، لیکن وہ فوجی مقدمے کا سامنا نہیں کر رہے۔استغاثہ کے مطابق، خان پر بدھ کو سرکاری راز افشا کرنے کے الزام میں خصوصی عدالت نے فرد جرم عائد کی تھی، تاہم ان کے وکیل سلمان صفدر نے صحافیوں کو بتایا کہ عدالت کی جانب سے کیس کی سماعت جمعرات تک ملتوی کرنے کے بعد ان پر فرد جرم میں تاخیر ہوئی۔یہ فوری طور پر واضح نہیں ہوسکا کہ خان کے وکلائ میں کنفیوڑن کی وجہ کیا ہے، جیسا کہ پراسیکیوٹر ذوالفقار نقوی نے صحافیوں کو بتایا کہ جب اڈیالہ جیل میں عدالتی سماعت کے دوران الزامات پڑھے گئے تو خان نے قصوروار نہ ہونے کی درخواست داخل کی۔یہ کیس 2022 میں اپنی برطرفی کے بعد ایک ریلی میں خان کی تقریر سے متعلق ہے، جب انہوں نے ایک خفیہ سفارتی خط اپنے پاس رکھا تھا، جس میں یہ دعویٰ کیا گیا تھا کہ ان کی بے دخلی ایک امریکی سازش تھی، جسے مبینہ طور پر پاکستان میں فوج اور حکومت نے انجام دیا تھا۔ واشنگٹن اور پاکستانی حکام نے اس دعوے کی تردید کی ہے۔دستاویز جسے سائفر کا نام دیا گیا ہے ـ بظاہر واشنگٹن میں پاکستانی سفیر اور اسلام آباد میں وزارت خارجہ کے درمیان سفارتی خط و کتابت تھی۔
