جب غزہ میں معصوم بچوں پر ظلم کے پہاڑ گرائے جا رہے تھے تو پوری دنیا میں لوگ سڑکوں پر احتجاج کر رہے تھے لیکن مسلمان ملکوں کے حکمران امریکی صدر کو نوبل پیس پرائز کے لیے نامزد کرنے میں بازی لے جانے کے لیے مرے جا رہے تھے نامزد کرنے والوں میں پیارے ملک پاکستان کا وزیر اعظم بھی شامل تھا جو جنرل الیکشن میں ہارنے کے باوجود جنرل کی شہہ پر وزیر اعظم بنا ہوا ہے جب جنرل سفید گھر میں جا کر دوپہر کا کھانا کھائے گا تو حق نمک بھی ادا کرے گا ویسے بھی امریکہ میں کوئی بھی لنچ فری نہیں ہوتا اس ایک لنچ کے بدلے پاکستانی قوم کو جو قیمت چکانی پڑے گی اس کی تفصیل کے لیے ایک علیحدہ کالم درکار ہوگا سر دست بتاتا چلوں کہ پاکستان کا سعودیہ سے حالیہ معاہدہ ایک باکسر کا دایاں دکھا کر بایاں مارنے کے مترادف ہے پاکستان کو انگیج کیا گیا ہے تاکہ وہ پلٹ کر چائنا کی طرف نہ لوٹ جائے اور پاکستانی زمین دبے خزانے جن پر پوری دنیا کی بالعموم اور امریکہ کی بالخصوص نظر ہے اس کے علاوہ جو حالات ابھی اس خطے کو درپیش ہیں اس کے پیش نظر امریکی صدر بگرام ائیربیس کی واپسی کا مطالبہ کر رہا بگرام ائیربیس ایسی جگہ ہے جہاں پر بیٹھ کر امریکہ اپنے تمام رائیولز پر نظر رکھ سکتا ہے جس کے لیے اسے بعض اطلاعات کے مطابق طالبان کو ایک اچھی خاصی رقم کی بھی آفر بھی کر دی گئی ہے جبکہ طالبان کی موجودہ حکومت ابھی تک انکاری ہے وہ کہتے ہیں کہ بیس سال امریکہ سے جنگ لڑی ہے بیس سال اور لڑیں گے ویسے بھی امریکہ سات بلین ڈالرز سے زائد کا اسلحہ چھوڑ کر وہاں سے بھاگا تھا یہ پہلا موقع ہوگا جہاں امریکہ جانے کے بعد اپنا کوئی اڈہ نہیں چھوڑ کر گیا فلپین میں کیمپ جان ہیے جرمنی اور قطر میں ان کے اڈوں کی موجودگی اس کے ثبوت ہیں تین ٹریلین کی انویسٹمنٹ جو وہ تورا بورا کی مٹی سے ٹاٹینیم نکال کر سود کے ساتھ وصول کر چکا ہے پاکستان ایک ایٹمی ملک نہ ہوتا تو تورابورا سے زیادہ مزائل داغے جاتے اور زمینی خزانے کب کے لے جا چکے ہوتے عراق کے ساتھ کیا ہوا ویسے یوکرین کا صدر امداد کی ضرورت کے باوجود اپنے زمینی زخائر دینے سے انکار کر چکا جبکہ اسے ضرورت تھی وہ حالت جنگ میں تھا پاکستانی حکومت کی کچھ مجبوریاں ہیں جن سے امریکی واقف ہیں اسی لیے ٹرمپ اور ہماری مقتدرہ کی ان دنوں گاڑھی چھن رہی ہے دونوں ایک دوسرے کی پیٹھ کی کھجلی دورکر رہے ہیں ورنہ غزہ کے معصوم بچوں کے اصل قاتل کو نوبیل پیس پرائز کے لیے نامزد ایسے ہی نہیں کر دیا جاتا ۔
٭٭٭
