امریکہ میں ہر طرف گرمیوں کے مزے ہیں سکولوں کی چھٹیاں ہیں اور لوگ بچوں کے ساتھ مصروف ہیں خاص طور سے نیویارک میں گرمیاں بہت ہی کم دنوں کے لئے آتی ہیں اس لئے ایک تحفہ نایاب کے طور پر استعمال ہوتی ہیں میں اس کو استعمال ہی کیوں گی اس لئے کے ہر دن گرمی کا نیویارک والوں کے لئے بہت قیمتی ہے بہت جلد نیویارک کی گرمیاں ختم ہوجائیں گی اور سردی کا موسم آجائے گا صرف دو ماہ دھوپ اور گرمی کا آپ لطف لے سکتے ہیں پھر وہی سردی ا ور برف باری موٹے کپڑے موٹے جوتے یہ سب سن کر آپ سوچ رہے ہوں گے کے ہم کو شاید گرمی پسند ہے۔ نہیں ہم کو تو سردی پسند ہے وہ بھی نیویارک کی کراچی میں تو جاکر سردی میں سکڑ جاتے ہیں اس کی وجہ یہ ہے کے نیویارک میں سردی تو شدید پڑتی ہے مگر ہر گھر میں گرم پانی اور گرم گھر کا انتظام ہے جب کے کراچی میں نام کی سردی پڑتی ہے مگر ٹھنڈی دیواریں اور ٹھنڈے غسل خانے ٹھٹرنے پر مجبور کر دیتے ہیں ایسا لگتا ہے کے صرف ہیٹر یا لحاف ہی اس سردی سے بچا سکتے ہیں۔ جب کے نیویارک بلکہ پورے امریکہ اور یورپ میں ایک بہت بڑی نعمت گھروں اور گاڑیوں کا گرم رہنا ہے جس نے ان علاقوں کو بھی لوگوں کا پسندیدہ بنا دیا ہے جو کے شدید سردی والے علاقے ہیں۔ یہ اللہ کی ایک نعمت ہے ایک ایسی نعمت جس کا استعمال تو ہم بہت کرتے ہیں مگر اس کی قدر نہیں کرتے ہیں۔ اگر ہم سردیوں میں پاکستان یا دوسرے علاقوں میں جائیں تو ہم کو اس نعمت کی قدر ہوجائے اور سب سے بڑی بات یہ ہے کے ہم اپنے بچوں کو بھی کچھ نہیں بتاتے وہ بچے جو امریکہ میں پیدا ہوئے ہیں ان کو اگر ہم پاکستان بھی لے کر جاتے ہیں تو گرمیوں کی چھٹیوں میں وہ وہاں کی گرمی اس لئے سہ لیتے ہیں کے وہاں اکثر گھروں میں ایئرکنڈیشنر ہے مگر سردی کا ان بچوں کو کچھ پتہ نہیں ہوتا ہے بے شک ان علاقوں میں امریکہ کے مقابلے میں سردی کم ہوتی ہے مگر وہاں سہولتیں نہ ہونے کی وجہ سے لوگ سردی میں بہت بے آرام ہوتے ہیں ان علاقوں کے لوگ ایک مہینے کی سردی بھی برداشت نہیں کرتے اور بیمار پڑ جاتے ہیں اگر ہم بچوں کو یہ بتائیں کے وہ کتنی بڑی نعمت سے سرفراز ہیں اور خود بھی یہ سوچیں تو شکر گزاری کا جذبہ پیدا ہو اور ہم ہر وقت یہاں کی سردی سے پریشان ہونے کی بجائے اس اللہ کا شکر ادا کریں جس نے یہاں سہولتوں کا انتظام کرایا اور ہم ان سے فائدہ اٹھا رہے ہیں۔ اسی لئے مجھے سردی پسند ہے اگر برف باری ہو تو ہم بہت خوش رہتے ہیں کے برف باری یقیناً پریشان کن ہوجاتی ہے۔ ورنہ تو باہر نکلنا تھوڑا مشکل ہے مگر گھر کے اندر آفس کے اندر زندگی آسان ہے۔ گرمیوں کے بعد سردیوں کا آغاز ہوگا اس بار سردی سے پریشان ہونے کی بجائے ان نعمتوں کا شکر ادا کریں جو ہم کو اس ملک میں حاصل ہیں۔
٭٭٭٭
