ہم نہ باز آئیں گے کرپشن سے
جاب جائے گی اور کیا ہوگا
کینیڈا کی پارلیمنٹ نے ایک پاکستانی نژاد کینیڈین جو کہ ورجینیا کا رہائشی ہے کی درخواست پر ایک پیٹیشن پاس کی ہے جسکا مفہوم کچھ یوں ہے چونکہ پاکستانی ریاست نے اپنے آئین کی خلاف ورزی کی ہے حکومت کے خاتمہ کے نوے دنوں کے اندر جنرل الیکشن نہیں کروایا چونکہ وہاں پر طاقت کے سرچشمہ عوام نہیں پاکستان آرمی ہے ،اس لیے پاکستانی آرمی کی کسی جنرل کو نہ ہی تو کینیڈا کا ویزہ دیا جائے گا اور نہ ہی انہیں یہاں رہنے دیا جائے گا اور جو بھی جنرلز پاکستان سے لوٹ مار کر کے یہاں رہ رہے ہیں انکی جائیدادیں بھی ضبط کر لی جائیں گی ،اب بتائیں کہ کیسے کوئی افواج پاکستان پر بھروسہ کرے گا، کیسے مزید یہ کہ کینیڈین حکومت کسی بھی قرضہ دینے والے ادارے کو اس بات پر زور دے گی کہ جب تک پاکستان میں فری اینڈ فیئر الیکشن نہیں ہوجاتے تب تک پاکستان کو کسی بھی قسم کا قرضہ نہ دیا جائے، یا د رہے کہ کینیڈا ان بیس بڑے ممالک میں شامل ہے جو اکنامک جائنٹ تصور کئے جاتے ہیں اور جنکا اثر و رسوخ قرضہ دینے والے اداروں میں کیا جاتا ہے، مقصد ہم نہیں سدھریں گے ،کوئی ہمیں سدھارے تو سدھارے کیا ،یہ سب ایسا ہی چلتا رہے گا کیا ہم اسی طرح سے لوٹ مار کا بازار گرم کئے رکھیں گے ،کیا زرداری کیا شریف برادران کیا ماجھے اور کیا ساجھے سبھی حمام میں ننگے ہیں، کلرک سے لیکر اس ادارے کے سربراہ تک سپاہی سے لیکر آئی جی تک سولجر سے لیکر جنرل تک ریڑھی بان سے لیکر تاجر تک سب کرپٹ ہیں، طالب علم سے لیکر پروفیسر تک کرپشن کرتے ہیں ہمیں اجتماعی توبہ کی ضرورت ہے، پاکستان میں خزانوں کی کمی نہیں ،پاکستان میں ٹیکس دینے والوں کی بھی کمی نہیں مگر جب ٹیکس وصول کرنے والے خود ہی ٹیکس بچانے کے طریقے مال پانی لیکر بتائیں گے تو کیونکر کوئی پورا ٹیکس دے وہ انہی کے بتائے ہوئے طریقوں سے ٹیکس میں گھپلے کریں گے اور حکومتی خزانے کو نقصان پہنچائیں گے پھر حکومتیں بھی تو عوام کی فلاح و بہبود پر خرچ کرنے کی بجائے عیاشیوں میں مصروف ہوں ہمہ جہت کرپشن کی نے نئی ایجادات میں مگن تو کیسے ملکی حالات بہتر ہوں گے؟ کیسے غریبوں کی داد رسی ہوگی ؟آج تک کوئی بڑا کرپشن کر کے سزا وار نہیں ٹھہرا اور جن کو سزا ملی وہ دنداناتے ہوئے ساری مراعات کیساتھ واپس آئے۔ ہم کب سدھریں گے؟
٭٭٭
